Plattdeutsch

De Jacht üm 1920 in Norddinker

Dai Jeäger uit Norddinker, Vöckisen un Freulisen gengen üm düse Tuit alle tehäope op de Jacht. Dat ha äok suinen Grund dorin, man ja jo te Huis no keine Kaultriue un konn dat Wild jao nit lange hollen, daorüm genk man joidenfalls joiden Saoterdach op de Jacht un schoat sich nen Hasen odder Feldhaumer, Kanuin odeer ne Ante. Wann maol oiner grötter Glück harr, dann schoat hei äok woll maol ne Schneppe, dat was ümmer oin besonners lecker Birtken säon Schneppenschirtken.Dat Schneppe wour ruppet ower net iutnuhmen un man lach die ächter ne Schnuie Wittbräot wo dann dat gebrutzele op fell, dat was das Schneppenschirtken.
De Jacht fenk im September mit de Haunerjacht an, un dao gaff et äok manks säon Späßken daboi. Oinmaol wören se im gräoten Klei op Hauner un gengen soi anne Hiege lank, dao fand de Köster uit Dinker nen Haunernest mit ne Ägger, hai drank soi gähne Aier uit unn soi hell hai datt oiste tiegen de Sunne, et was guet, hai drank et uit, äok dat twedde un drüdde owwer dat voirte dat was fuil un als kahm im häogen Buogen wuier. Äs sick de Jeäger dann bui Richters dräepen do genk dat aiben loss öwer düesen infahmen Geriuk.
Oin annermaol do gengen se anne Aohse op Anten unhennen äok 'nen Voihopkoiper uit Hamm daobui, dai ha äok soinen Ruien miert. Inne Aohsewuisken wören no de Rinner, dai stuiwen nui op den Ruien un wollen den stäoten, de Ruie ruit uit un laip no suinen Hären, dai kroig et äok miert de Angest te dauen un schäot dat Rind däot.
Suin Sprüek dotau: Und kommt sich mich nochmal 'ne Kuh, dann schieß ich auch nochmal 'ne Kuh!